7th Sasyagalalli Santanotpatti Notes in Kannada(2023)

7th Sasyagalalli Santanotpatti Notes in Kannada.

7th Sasyagalalli Santanotpatti Notes | 7ನೇ ತರಗತಿ ಸಸ್ಯಗಳಲ್ಲಿ ಸಂತಾನೋತ್ಪತ್ತಿ ವಿಜ್ಞಾನ ನೋಟ್ಸ್‌.ಸರಳವಾಗಿ ಪ್ರಮುಖ ಅಂಶಗಳ ವಿವರಣೆ ಮಾಡಲಾಗಿದೆ. 

7th Sasyagalalli Santanotpatti Notes | 7ನೇ ತರಗತಿ ಸಸ್ಯಗಳಲ್ಲಿ ಸಂತಾನೋತ್ಪತ್ತಿ ವಿಜ್ಞಾನ ನೋಟ್ಸ್‌.ಸರಳವಾಗಿ ಪ್ರಮುಖ ಅಂಶಗಳ ವಿವರಣೆ ಮಾಡಲಾಗಿದೆ. Reproduction in Plants Class 7 Notes Science Chapter 12. sasyagalalli santanotpatti ಈನೋಟ್ಸ್ನಲ್ಲಿ ಯಾವ ಅಂಶಗಳ ಬಗ್ಗೆ ಮಾಹಿತಿನೀಡಲಾಗಿದೆ ಎಂಬುದನ್ನು ಈ ಕೆಳಗಿನ ಮೈನ್ಡ್ ಮ್ಯಾಪ್ ನಲ್ಲಿ ಗಮನಿಸಿ.

ಈ ಅಧ್ಯಾಯ ನೋಟ್ಸ್  ಪ್ರಾರಂಭ ಮಾಡುವ ಮುನ್ನ ಈ ಕೆಳಗಿನ ಪ್ರಶ್ನೆಗಳನ್ನು ಗಮನಿಸೋಣ.7th Sasyagalalli Santanotpatti |Notes of Ch 12 Reproduction in Plants Class 7th Science.

•  ಸಂತಾನೋತ್ಪತ್ತಿ ಎಂದರೇನು?
• ಸಸ್ಯಗಳು ಹೇಗೆ ಸಂತಾನೋತ್ಪತ್ತಿ ಮಾಡುತ್ತವೆ?  
• ಸಸ್ಯಗಳಲ್ಲಿ ಸಂತಾನೋತ್ಪತ್ತಿಯ ಯಾವುದಾದರು ವಿಧಾನಗಳಿವೆಯೇ?  
• ಅಲೈಂಗಿಕ ಮತ್ತು ಲೈಂಗಿಕ ಸಂತಾನೋತ್ಪತ್ತಿ ಎಂದರೇನು? 
•  ಅಲೈಂಗಿಕ ಸಂತಾನೋತ್ಪತ್ತಿಯ ವಿವಿಧ ವಿಧಾನಗಳಾವುವು?  
• ಅಲೈಂಗಿಕ ಸಂತಾನೋತ್ಪತ್ತಿಯ ವಿವಿಧ ವಿಧಾನಗಳು ಯಾವ ಸಸ್ಯಗಳಲ್ಲಿ ಕಂಡು ಬರುತ್ತವೆ?  
•  ಲೈಂಗಿಕ ಸಂತಾನೋತ್ಪತ್ತಿಯ ವಿವಿಧ ವಿಧಾನಗಳಾವುವು? 
• ಹೂವಿನ ಪ್ರಮುಖ ಕಾರ್ಯವೇನು? 
• ಪರಾಗಸ್ಪರ್ಶ ಎಂದರೇನು? 
• ಬೀಜ ಪ್ರಸರಣ ಎಂದರೇನು? 

 ಸಂತಾನೋತ್ಪತ್ತಿ ಎಂದರೇನು?

Reproduction in Plants Class 7 Notes ನಿಮಗೆಲ್ಲಾ ತಿಳಿದಿದೆ ಜೀವಿಗಳ ಪ್ರಮುಖ ಲಕ್ಷಣಗಳು ಯಾವುವು ಎಂದು ಉಸಿರಾಟ, ಬೆಳವಣಿಗೆ, ಆಹಾರ ಸೇವನೆ, ಚಲನೆ, ಪ್ರಚೋದನೆಗೆ ತಕ್ಕ ಪ್ರತಿಕ್ರಿಯೆ, ಸಂತಾನೋತ್ಪತ್ತಿ .sasyagalalli santanotpatti.

ತನ್ನನ್ನೆ ಹೋಲುವ ಜೀವಿಯನ್ನು ಉತ್ಪತ್ತಿ ಮಾಡುವುದು ಎಲ್ಲ ಜೀವಿಗಳ ಅತಿ ಪ್ರಮುಖ ಲಕ್ಷಣವಾಗಿದೆ. 

 ಪೋಷಕ ಜೀವಿಗಳಿಂದ ಹೊಸ ಮರಿ ಜೀವಿಗಳು ಹುಟ್ಟುವುದಕ್ಕೆ ಸಂತಾನೋತ್ಪತ್ತಿ ಎನ್ನುವರು.
 ಉದಾಹರಣೆಗೆ - ಜಿಂಕೆ ತನ್ನನ್ನೆ ಹೋಲುವ ಮರುಜೀವಿಗೆ ಜನ್ಮ ನೀಡುತ್ತದೆ.
                        ಮೊಲ ತನ್ನನ್ನೆ ಹೋಲುವ ಇನ್ನೊಂದು ಮರಿಜೀವಿಗೆ ಜನ್ಮ ನೀಡುತ್ತದೆ. ಹಾಗೆ ಆನೆಯೂ ಕೂಡ ತನ್ನನ್ನು ಹೋಲುವ ಮರುಜೀವಿಗೆ ಜನ್ಮ ನೀಡುತ್ತದೆ.

 ಸಸ್ಯದ ಪ್ರಮುಖ ಭಾಗಗಳು ಯಾವುವು? sasyagalalli santanotpatti

ನಾವು ಹೆಚ್ಚಿನ ಸಸ್ಯಗಳನ್ನು ಗಮನಿಸಿದಾಗ ಬೇರು, ಕಾಂಡ ಮತ್ತು ಎಲೆಗಳನ್ನು ಹೊಂದಿರುತ್ತವೆ. ಈ ಬೇರು ಕಾಂಡ ಮತ್ತು ಎಲೆಗಳನ್ನು ಸಸ್ಯದ ಕಾಯಕ ಭಾಗಗಳು ಎನ್ನುವರು.

 ಸಸ್ಯಗಳಲ್ಲಿ ಅತಿ ಸುಂದರವಾಗಿ ಆಕರ್ಷಕವಾಗಿ ಕಾಣುವ ಹೂಗಳ ಕಾರ್ಯವೇನು?

 ಸಸ್ಯಗಳ ಆಕರ್ಷಣೆಯ ಭಾಗ ಹೂವು. ಸಸ್ಯಗಳಲ್ಲಿ ಸಂತಾನೋತ್ಪತ್ತಿಯ ಕೆಲಸವನ್ನು ಹೂವು ಮಾಡುತ್ತದೆ. ಹೂಗಳು ಸಂತಾನೋತ್ಪತ್ತಿಯ ಭಾಗಗಳಾಗಿವೆ. 

ಸಸ್ಯಗಳು ಮರಿಜೀವಿಗಳನ್ನು ಹಲವಾರು ವಿಧಾನಗಳ ಮೂಲಕ ಪಡೆಯುತ್ತವೆ.

 ಅವುಗಳನ್ನು ಎರಡು ವಿಧಗಳಾಗಿ ವಿಂಗಡಿಸಿದೆ-

•  ಮೊದಲನೇ ವಿಧಾನ ಅಲೈಂಗಿಕ ಸಂತಾನೋತ್ಪತ್ತಿ.
• ಎರಡನೆಯ ವಿಧಾನ ಲೈಂಗಿಕ ಸಂತಾನೋತ್ಪತ್ತಿ.

ಅಲೈಂಗಿಕ ಸಂತಾನೋತ್ಪತ್ತಿಯಲ್ಲಿ  ಬೀಜಗಳಿಲ್ಲದೆ ಹೊಸ ಸಸ್ಯಗಳನ್ನು ಪಡೆಯಬಹುದು. 

ಲೈಂಗಿಕ ಸಂತಾನೋತ್ಪತ್ತಿಯಲ್ಲಿ ಬೀಜಗಳ ಮೂಲಕ ಹೊಸ ಸಸ್ಯಗಳನ್ನು ಪಡೆಯಬಹುದು.

ಅಲೈಂಗಿಕ ಸಂತಾನೋತ್ಪತ್ತಿ.1.ಕಾಯಜ ಸಂತಾನೋತ್ಪತ್ತಿ .

ಕಾಯಜ ಸಂತಾನೋತ್ಪತ್ತಿ ಇದು ಒಂದು ಅಲೈಂಗಿಕ ಸಂತಾನೋತ್ಪತ್ತಿಯ ವಿಧಾನವಾಗಿದೆ. ಇದರಲ್ಲಿ ಬೇರು, ಕಾಂಡ, ಎಲೆ ಮತ್ತು ಮೊಗ್ಗುಗಳಿಂದ ಹೊಸ ಗಿಡಗಳು ಹುಟ್ಟುತ್ತವೆ. ಸಸ್ಯದ ಕಾಯಜ ಭಾಗಗಳಿಂದ ಹೊಸ ಸಸಿಗಳು ಹುಟ್ಟುವ ಕಾರಣ ಈ ವಿಧಾನಕ್ಕೆಕಾಯಜ ಸಂತಾನೋತ್ಪತ್ತಿ ಎನ್ನುವರು.

ಗುಲಾಬಿ ಗಿಡದ ಕಾಂಡವನ್ನು ಕತ್ತರಿಸಿ ಮಣ್ಣಿನಲ್ಲಿ ನೆಟ್ಟು ಕಾಲಕಾಲಕ್ಕೆ ಸರಿಯಾಗಿ ನೀರು ಗೊಬ್ಬರ ಹಾಕುತ್ತಾ ಬಂದರೆ ಸ್ವಲ್ಪ ದಿನದಲ್ಲೇ ಕಾಂಡವು ಚಿಗುರಿ ಹೊಸ ಗುಲಾಬಿ ಗಿಡವಾಗಿ ಬೆಳೆಯುತ್ತದೆ ಗಮನಿಸಿ ಇಲ್ಲಿ ಕಾಂಡವು ಸಸ್ಯದ ಕಾಯಜ ಭಾಗವಾಗಿದೆ.

ಕಾಯಜ ಸಂತಾನೋತ್ಪತ್ತಿಗೆ ಇತರೆ ಉದಾಹರಣೆಗಳು-

• ಸಂಪಿಗೆ ಗಿಡ ಇದರಲ್ಲಿ ಸಂತಾನೋತ್ಪತ್ತಿಯ ಸಸ್ಯದ ಕಾಯಜ ಭಾಗ ಕಾಂಡ.
• ಬ್ರಯೋಫಿಲ್ಲಮ್ ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜ ಭಾಗ ಎಲೆ (ಎಲೆಯ ತುದಿ ಭಾಗಗಳಲ್ಲಿ ಹೊಸ ಸಸಿಗಳು ಬೆಳೆಯುತ್ತವೆ).
• ಮನಿ ಪ್ಲಾಂಟ್ ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜಭಾಗ ಕಾಂಡ
• ಸಿಹಿಗೆಣಸು ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜಭಾಗ ಬೇರು
• ಅರಿಶಿನ ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜಭಾಗ ಕಾಂಡ
• ಶುಂಠಿ ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜಭಾಗ ಕಾಂಡ
• ಆಲೂಗೆಡ್ಡೆ ಇದರಲ್ಲಿ ಸಂತಾನೋತ್ಪತ್ತಿಯ ಕಾಯಜಭಾಗ ಬೇರು
• ಕ್ಯಾಕ್ಟಸ್‌ ಇದರಲ್ಲಿ ಸಂತಾನೋತ್ಪತ್ತಿಯ ಭಾಗ ಕಾಂಡ.

ಆಲೂಗೆಡ್ಡೆ ಶುಂಠಿ ಅರಿಶಿಣ ಇವುಗಳ ಗಾಯಗಳಲ್ಲಿ ಕಣ್ಣುಗಳು ಕಂಡುಬರುತ್ತವೆ ಆ ಭಾಗದಲ್ಲಿ ಕತ್ತರಿಸಿ ಮಣ್ಣಿನಲ್ಲಿ ನೆಟ್ಟಾಗ ಹೊಸ ಸಸ್ಯವಾಗಿ ಬೆಳೆಯುತ್ತವೆ.

ಗುಲಾಬಿ, ಸಂಪಿಗೆ ಗಿಡದ ಕಾಂಡ ಕೊಂಬೆಯಲ್ಲಿ ಎಲೆ ಮೂಡುವ ಭಾಗವನ್ನು ಗಿಣ್ಣು ಎನ್ನುವರು. ಈ ಭಾಗದಲ್ಲಿ ಕತ್ತರಿಸಿ ಮಣ್ಣಿನಲ್ಲಿ ನೆಟ್ಟರೆ ಹೊಸ ಸಸ್ಯ ಬೆಳೆಯುತ್ತದೆ. ಗಿಣ್ಣಿಗೆ ಜೋಡಿಸಲ್ಪಟ್ಟ ಭಾಗದಲ್ಲಿ ಮೊಗ್ಗುಗಳಿರುತ್ತವೆ. ಮುಂದೆ ಇವು ಕಾಂಡಗಳಾಗಿ ಬೆಳೆಯುತ್ತವೆ. ಈ ಕಾಯಿಕ ಮಗ್ಗುಗಳಿಂದಲೂ ಹೊಸ ಗಿಡಗಳು ಹುಟ್ಟಬಹುದು.

ಕಾಯಜ ಸಂತಾನೋತ್ಪತ್ತಿಯ ಪ್ರಯೋಜನಗಳು:-

•  ಕಾಯಜಸಂತಾನೋತ್ಪತ್ತಿಯಿಂದ ಉಂಟಾದ ಗಿಡಗಳು ಕಡಿಮೆ ಸಮಯದಲ್ಲೇ ಬೆಳೆಯುತ್ತವೆ. 
• ಬೀಜಗಳಿಂದ ಹುಟ್ಟಿದ ಗಿಡಗಳಿಗಿಂತ ಬೇಗನೆ ಹೂ ಮತ್ತು ಹಣ್ಣುಗಳನ್ನು ಬಿಡುತ್ತವೆ.
•  ಸಸ್ಯದಿಂದ ಉತ್ಪತ್ತಿಯಾಗುವ ಕಾರಣ ಹೊಸ ಸಸ್ಯಗಳು ಪೋಷಕ ಸಸ್ಯದ ತದ್ರುಪವಾಗಿರುತ್ತವೆ.

 ಮೊಗ್ಗುವಿಕೆ 

ಈಸ್ಟ್ ಒಂದು ಏಕಕೋಶ ಜೀವಿ. ಇವುಗಳನ್ನು ನಾವು ಸೂಕ್ಷ್ಮದರ್ಶಕ ಯಂತ್ರದ ಸಹಾಯದಿಂದ ಮಾತ್ರ ನೋಡಲು ಸಾಧ್ಯ. ಸಾಕಷ್ಟು ಪೋಷಕಗಳನ್ನು ಒದಗಿಸಿದರೆ ಇವು ಕೆಲವೇ ಗಂಟೆಗಳಲ್ಲಿ ವಿಭಜನೆಗೊಂಡು ಸಂಖ್ಯೆಯಲ್ಲಿ ಹೆಚ್ಚಳ ಗೊಳ್ಳುತ್ತವೆ. 

ಮೊಗ್ಗುವಿಕೆ ಮೂಲಕ ಈಸ್ಟ್ ನಲ್ಲಿ ಸಂತಾನೋತ್ಪತ್ತಿ .

ಈಸ್ಟ್ ಕೋಶದ ಮೇಲ್ಮೈಯಿಂದ ಹೊರ ಚಾಚುವ ಸಣ್ಣ ಗಂಟಿನಾಕಾರದ ಬೆಳವಣಿಗೆಗೆ ಮೊಗ್ಗು ಎನ್ನುವರು. ಈ ಮೊಗ್ಗು ನಿಧಾನವಾಗಿ ಬೆಳೆದು ತಾಯಿ ಕೋಶದಿಂದ ಬೇರ್ಪಡುತ್ತದೆ ಮತ್ತು ಹೊಸ ಈಸ್ಟ್ ಕೋಶವಾಗಿ ಬೆಳೆಯುತ್ತದೆ. ಹೊಸ ಈಸ್ಟ್   ಬೆಳೆದು ಪ್ರೌಢಾವಸ್ಥೆಯನ್ನು ತಲುಪಿ ಹೆಚ್ಚಿನ ಈಸ್ಟ್ ಕೋಶಗಳನ್ನು ಉತ್ಪತ್ತಿ ಮಾಡುತ್ತದೆ. ಕೆಲವೊಮ್ಮೆ ಒಂದರ ಮೇಲೊಂದು ಮೊಗ್ಗು ಮೂಡಿ ಮೊಗ್ಗುಗಳ ಸರಪಳಿಯನ್ನು ಉಂಟುಮಾಡುತ್ತವೆ. ಈ ಪ್ರಕ್ರಿಯೆ ಹೀಗೆ ಮುಂದುವರೆದರೆ ಸ್ವಲ್ಪ ಸಮಯದಲ್ಲೇ ಅಧಿಕ ಸಂಖ್ಯೆಯ ಈಸ್ಟ್ ಕೋಶಗಳು ಉತ್ಪತ್ತಿಯಾಗುತ್ತವೆ.

ತುಂಡಾಗುವಿಕೆ 

ತುಂಡಾಗುವಿಕೆ ಮೂಲಕ ಸಸ್ಯಗಳು ಹೇಗೆ ಸಂತಾನೋತ್ಪತ್ತಿ ಮಾಡುತ್ತವೆ?

 ನಿಂತಿರುವ ನೀರಿನಲ್ಲಿ ಅಥವಾ ಕೊಳದಲ್ಲಿ ಅಂಟಾದ ಹಸಿರು ತೇಪೆ ಇವುಗಳನ್ನು ಎಲ್ಲರೂ ಗಮನಿಸಿರುತ್ತೀರಿ, ಇವುಗಳು ಶೈವಲಗಳು. ಪೋಷಕಗಳು ಮತ್ತು ನೀರು ದೊರಕಿದಾಗ ಇವು ಶೀಘ್ರವಾಗಿ ಬೆಳೆದು ತುಂಡಾಗುವಿಕೆ ಪ್ರಕ್ರಿಯೆಯಿಂದ ಸಂಖ್ಯೆಯಲ್ಲಿ ಅಧಿಕಗೊಳ್ಳುತ್ತವೆ ಒಂದು ಶೈವಲ ಎರಡು ಅಥವಾ ಹೆಚ್ಚು ತುಂಡುಗಳಾಗುತ್ತದೆ. ಈ ತುಂಡುಗಳು ಹೊಸ ಜೀವಿಗಳಾಗಿ ಬೆಳೆಯುತ್ತವೆ. 

ಬೀಜಕ ಉತ್ಪತ್ತಿ.

ಬ್ರೆಡ್ಡಿನ ಮೇಲೆ ಹತ್ತಿಯ ಬಲೆಹಂತಹ ರಚನೆಯನ್ನು ನಾವು ನೋಡಿದ್ದೇವೆ. ಗಾಳಿಯಲ್ಲಿರುವ ಬೀಜಕಗಳ ಮೂಲಕ ಬ್ರೆಡ್ಡಿನ ಮೇಲೆ ಈ ರಚನೆಗಳು ಉಂಟಾಗುತ್ತವೆ. ಈ ಬೀಜಕಗಳು ಹಗುರವಾಗಿ ಇರುವ ಕಾರಣ ಅವುಗಳು ಬಹಳ ದೂರ ಕ್ರಮಿಸಬಲ್ಲವು. ಬೀಜಕಗಳು ಅಲೈಂಗಿಕ ಸಂತಾನೋತ್ಪತ್ತಿಯ ಕಾಯಗಳು ಹೆಚ್ಚು ಉಷ್ಣ ಮತ್ತು ಕಡಿಮೆ ಅರ್ದತೆ , ಅನಾನುಕೂಲ ಪರಿಸ್ಥಿತಿಯನ್ನು ಎದುರಿಸುವ ಸಲುವಾಗಿ ಪ್ರತಿ ಬೀಜಕ್ಕೂ ಗಟ್ಟಿಯಾದ ರಕ್ಷಣಾ ಕವಚ ಪದರವನ್ನು ಹೊಂದಿರುತ್ತದೆ. ಹೀಗಾಗಿ ಅವು ಬಹಳ ಸಮಯದವರೆಗೆ ಬದುಕಬಲ್ಲವು. ಅನುಕೂಲ ಪರಿಸ್ಥಿತಿ ದೊರಕಿದಾಗ ಬೀಜಕ ಮೊಳಕೆ ಒಡೆದು ಹೊಸ ಜೀವಿಯಾಗಿ ಬೆಳೆಯುತ್ತದೆ.

ಉದಾಹರಣೆಗಳು- ಹಾವಸೆ,  ಜರಿಗಿಡ.

ಲೈಂಗಿಕ  ಸಂತಾನೋತ್ಪತ್ತಿ

ಲೈಂಗಿಕ  ಸಂತಾನೋತ್ಪತ್ತಿ ಸಸ್ಯಗಳಲ್ಲಿ ಅತಿ ಸುಂದರ ಆಕರ್ಷಣೀಯ ಭಾಗಗಳಾದ ಹೂಗಳು ಸಂತಾನೋತ್ಪತ್ತಿಯ ಭಾಗಗಳಾಗಿವೆ. ಹೂಗಳಲ್ಲಿ ಕೇಸರ ಮತ್ತು ಶಾಲಾಕೆ  ಪ್ರಮುಖ ಪ್ರಜನ ಭಾಗಗಳಾಗಿರುತ್ತವೆ. ಕೇಸರಗಳುStamen ಪುರುಷ ಪ್ರಜನನ ಭಾಗವಾಗಿದ್ದರೆ ಶಲಾಕೆ ಹೆಣ್ಣು ಪ್ರಜನನ ಭಾಗವಾಗಿದೆ.

ಏಕಲಿಂಗಿ ಹೂಗಳು :- ಕೇಸರ ಮತ್ತು ಶಲಾಕೆ ಇವುಗಳಲ್ಲಿ ಯಾವುದಾದರೂ ಒಂದನ್ನು ಮಾತ್ರ ಹೊಂದಿರುವ ಹೂಗಳನ್ನು ಏಕಲಿಂಗಿ ಹೂಗಳು ಎನ್ನುವರು. 

ಜೋಳ ಪಪ್ಪಾಯ ಸೌತೆಕಾಯಿ ಏಕಲಿಂಗಿ ಹೂಗಳನ್ನು ಹೊಂದಿದ್ದು ಪುರುಷ ಮತ್ತು ಹೆಣ್ಣು ಏಕಲಿಂಗಿ ಹೂಗಳು ಒಂದೇ ಸಸ್ಯದಲ್ಲಿ ಅಥವಾ ಬೇರೆ ಬೇರೆ ಸಸ್ಯಗಳಲ್ಲಿ ಇರಬಹುದು.

ದ್ವಿಲಿಂಗಿ ಹೂಗಳು :-  ಕೇಸರ ಮತ್ತು ಶಲಾಕೆ ಎರಡನ್ನು ಹೊಂದಿರುವ ಹೂಗಳನ್ನು ದ್ವಿಲಿಂಗಿ ಹೂಗಳು ಎನ್ನುವರು.

 ಸಾಸಿವೆ ಗುಲಾಬಿ ಪೆಟ್ಯುನಿಯಗಳು  ದ್ವಿಲಿಂಗಿ ಹೂಗಳನ್ನು ಹೊಂದಿರುತ್ತವೆ. 

ಕೇಸರದಲ್ಲಿ ಪ್ರಮುಖವಾಗಿ ಪರಾಗ ಕೋಶ ಮತ್ತು ಕೇಸರದಂಡ ಎಂಬ ಎರಡು ಭಾಗಗಳಿದ್ದು ಪರಾಗ ಕೋಶವು ಪುರುಷ ಲಿಂಗಾಣುಗಳನ್ನು ಉತ್ಪತ್ತಿ ಮಾಡುವ ಪರಾಗ ರೇಣುಗಳನ್ನು ಹೊಂದಿರುತ್ತದೆ.

 ಶಲಾಕೆಯು ಶಲಾಕಾಗ್ರ ಶಲಾಕ ನಳಿಕೆ ಮತ್ತು ಅಂಡಾಶಯವನ್ನು ಹೊಂದಿರುತ್ತದೆ ಅಂಡಾಶಯದಲ್ಲಿ ಒಂದು ಅಥವಾ ಹೆಚ್ಚು ಅಂಡಕಗಳಿರುತ್ತವೆ ಹೆಣ್ಣು ಲಿಂಗಾಣು ಅಥವಾ ಅಂಡು ಅಂಡಕದಲ್ಲಿ ಉತ್ಪತ್ತಿ ಯಾಗುತ್ತದೆ. 

ಲೈಂಗಿಕ ಸಂತಾನೋತ್ಪತ್ತಿಯಲ್ಲಿ ಪುರುಷಲಿಂಗಾಣು ಲಿಂಗಾಣುಗಳು ಸಂಯೋಗಗೊಂಡು ಯುಗ್ಮಜವಾಗುತ್ತವೆ.

 ಪರಾಗಸ್ಪರ್ಶ 

ಪರಾಗಸ್ಪರ್ಶ ಪ್ರಕ್ರಿಯೆಯಲ್ಲಿ ಪ್ರಮುಖ ಪಾತ್ರ ವಹಿಸುವ ಪರಾಗ ರೇಣುಗಳು ಅವು ಒಣಗುವುದನ್ನು ತಡೆಯಬಲ್ಲ ರಕ್ಷಣಾ ಕವಚ ಅಥವಾ ಪದರವನ್ನು ಹೊಂದಿರುತ್ತವೆ. ಈ ಪರಾಗ ರೇಣುಗಳು ಹಗುರವಾಗಿದ್ದು ಗಾಳಿ ಅಥವಾ ನೀರಿನಲ್ಲಿ ಸಾಗಾಣಿಕೆ ಆಗುತ್ತವೆ.7th Sasyagalalli Santanotpatti Notes in Kannada.

ಹೂವಿನಲ್ಲಿ ಪರಾಗಸ್ಪರ್ಶ.

ಒಂದು ಹೂವಿನ ಕೇಸರದಿಂದ ಅಂದರೆ ಪರಾಗ ಕೋಶದಿಂದ ಶಾಲಾ ಕಾಗ್ರಕ್ಕೆ ಪರಾಗವು ವರ್ಗಾವಣೆಯಾಗುವ ಪ್ರಕ್ರಿಯೆಗೆ ಪರಾಗ ಸ್ಪರ್ಶ ಎನ್ನುವರು. ಕೀಟಗಳು, ಪಕ್ಷಿಗಳು ಹೂಗಳ ಮೇಲೆ ಕುಳಿತು ತಮ್ಮ ದೇಹದೊಂದಿಗೆ ಪರಾಗ ರೇಣುಗಳನ್ನು ಒಯ್ಯುತ್ತವೆ ಅದೇ ಜಾತಿಯ ಹೂವಿನ ಶಲಾಕಾಗ್ರ ದ ಮೇಲೆ ಕೆಲವು ಪರಾಗ ರೇಣುಗಳು ಬೀಳಬಹುದು.

 ಹೂಗಳು ಸಾಮಾನ್ಯವಾಗಿ ವರ್ಣರಂಗಿತವಾಗಿದ್ದು ಸುವಾಸನೆ ಬೀರುತ್ತದೆ ಇದಕ್ಕೆ ಕಾರಣವೇನು?

 ಅದು ಕೀಟಗಳನ್ನು ಆಕರ್ಷಿಸುವುದಕ್ಕಾಗಿ ಇರುವ ಪ್ರಕೃತಿಯ ಅದ್ಭುತ ವಿಸ್ಮಯವಾಗಿದೆ.

 ಪರಾಗಸ್ಪರ್ಶದಲ್ಲಿ ಎರಡು ವಿಧಗಳಿವೆ ,

• ಸ್ವಕೀಯ ಪರಾಗ ಸ್ಪರ್ಶ  
• ಪರಕೀಯ ಪರಾಗ ಸ್ಪರ್ಶ 

ಸ್ವಕೀಯ ಪರಾಗಸ್ಪರ್ಶ ಎಂದರೇನು?

7th Sasyagalalli Santanotpatti Notes in Kannada.

 ಸ್ವಕೀಯ ಪರಾಗ ಸ್ಪರ್ಶದಲ್ಲಿ ಒಂದು ಹೂವಿನ ಪರಾಗ ಕೋಶದಿಂದ ಅದೇ ಹೂವಿನ ಶಲಾಕಾಗ್ರ ಕ್ಕೆ ಪರಾಗ ವರ್ಗಾವಣೆ ಆಗುತ್ತದೆ.

 ಪರಕೀಯ ಪರಾಗ ಸ್ಪರ್ಶ ಎಂದರೇನು?

 ಪರಕೀಯ ಪರಾಗ ಸ್ಪರ್ಶದಲ್ಲಿ ಒಂದು ಹೂವಿನ ಪರಾಗ ಕೋಶದಿಂದ ಅದೇ ಜಾತಿಯ ಬೇರೊಂದು ಹೂವಿನ ಶಾಲಾಕಾಗ್ರಕೆ ಪರಾಗದ ವರ್ಗಾವಣೆ ಆಗುತ್ತದೆ.

 ನಿಷೇಚನ .

ಪುರುಷ ಮತ್ತು ಹೆಣ್ಣು ಲಿಂಗಾಣುಗಳ ಸಂಯೋಗವನ್ನು ನಿಷೇಚನ ಎನ್ನುವರು. ಲಿಂಗಾನುಗಳ ಸಂಯೋಗಗೊಂಡು ಕೋಶವನ್ನು ಯುಗ್ಮಜ ಎನ್ನುವರು. ಯುಗ್ಮಜವು ಮುಂದೆ ಭ್ರೂಣವಾಗಿ ಬೆಳೆಯುತ್ತದೆ.

 ಹಣ್ಣು ಮತ್ತು ಬೀಜ ಉಂಟಾಗುವುದು. 

ನಿಷೇಚನ ನಂತರ ಹೂವಿನ ಉಳಿದೆಲ್ಲ ಭಾಗಗಳು ಉದುರಿ ಹೋಗಿ ಅಂಡಾಶಯ ಹಣ್ಣಾಗಿ ಬೆಳೆಯುತ್ತದೆ ಬಲಿತ ಅಂಡಾಶಯವನ್ನು ಹಣ್ಣು ಎನ್ನುವರು.

IF YOU WANT GET PDF NOTES OF THIS CLICK HERE👇 

pdf 1.9mb

https://drive.google.com/file/d/1zjIDA6PsWK0cyhdVoQ9i2veXWCa6QT75/view?usp=sharing

ಬೀಜ ಪ್ರಸರಣ.

ಸಸ್ಯಗಳ ಸಂತಾನೋತ್ಪತ್ತಿ ಕಾರ್ಯದಲ್ಲಿ ಬೀಜಗಳ ಪ್ರಸರಣ ಅತಿ ಪ್ರಮುಖ ಪ್ರಕ್ರಿಯೆಯಾಗಿದೆ. ಬೀಜಗಳು ಬೇರೆ ಬೇರೆ ಜಾಗಗಳಿಗೆ ಪ್ರಸರಣ ಗೊಳ್ಳುವುದರಿಂದ ಪ್ರಕೃತಿಯಲ್ಲಿ ವಿಭಿನ್ನ ಜಾಗಗಳಲ್ಲಿ ಒಂದೇ ಜಾತಿಯ ಗಿಡಗಳು ಬೆಳೆಯುವುದನ್ನು ನಾವು ಕಾಣಬಹುದು.

reproduction in plants notes class 7th ಗಾಳಿ, ನೀರು ಮತ್ತು ಪ್ರಾಣಿಗಳಿಂದ ಬೀಜ ಮತ್ತು ಹಣ್ಣುಗಳು ವಿವಿಧ ಪ್ರದೇಶಗಳಿಗೆ ಸಾಗಿಸಲ್ಪಡುತ್ತವೆ. ರೆಕ್ಕೆಯಂತೆ ಚಾಚಿರುವ ಹೊರಪದರು ಇರುವ ನುಗ್ಗೆಕಾಯಿ ಮತ್ತು ಮೇಪಲ್‌ನ ಬೀಜಗಳು ಹುಲ್ಲಿನ ಹಗುರ ಬೀಜಗಳು, ಆಕ್‌ನ ರೋಮಭರಿತ ಬೀಜಗಳು ಅಥವಾ ಸೂರ್ಯಕಾಂತಿಯ ರೋಮಭರಿತ ಹಣುಗಾಳಿಗೆ ಬಹಳ ದೂರ ಚದುರಿ ಹೋಗುತ್ತವೆ. ಕೆಲವು ನೀರಿನಿಂದ ಪ್ರಸರಣಗೊಳ್ಳುತ್ತವೆ. ಕೆಲವು ಹಣ್ಣು ಅಥವಾ ಬೀಜಗಳು ನಾರುಭರಿತ ಅಥವಾ ಮೃದುವಾದ ಹೊರಪದರದ ಮೂಲಕ ನೀರಿನಲ್ಲಿ ತೇಲುವ ಸಾಮರ್ಥ್ಯ ಪಡೆದುಕೊಂಡಿರುತ್ತವೆ. ಉದಾಹರಣೆಗೆ, ತೆಂಗಿನಕಾಯಿ. ಕೆಲವು ಬೀಜಗಳು ವಿಶೇಷವಾಗಿ ಮೈಮೇಲೆ ಮುಳ್ಳು, ಕೊಕ್ಕೆ ಅಥವಾ ಕೊಂಡಿಯ ರಚನೆ ಇರುವಂಥ ಬೀಜಗಳು, ಪ್ರಾಣಿಗಳಿಂದ ಪ್ರಸರಣಗೊಳ್ಳುತ್ತವೆ. ಇವು ಪ್ರಾಣಿಗಳ ದೇಹಕ್ಕೆ ಅಂಟಿಕೊಂಡು ದೂರದ ಪ್ರದೇಶಗಳಿಗೆ ವರ್ಗಾವಣೆಗೊಳ್ಳುತ್ತವೆ. ಉದಾಹರಣೆಗೆ, ಕ್ಸಾಂತಿಯಮ್ ಕೆಲವು ಜಾತಿಯ ಹಣ್ಣುಗಳು ಇದ್ದಕ್ಕಿದ್ದಂತೆ ಸಿಡಿದು ಬೀಜಗಳನ್ನು ದೂರಕ್ಕೆ ಎಸೆಯುತ್ತವೆ. ಹೀಗಾಗಿ ಪೋಷಕ ಸಸ್ಯದಿಂದ ಬಹು ದೂರಕ್ಕೆ ಬೀಜಗಳು ಚದುರುತ್ತವೆ. ಈ ವಿಧಾನವನ್ನು ಹರಳು ಮತ್ತು ಕರ್ಣಕುಂಡಲದಲ್ಲಿ ಕಾಣಬಹುದು.

7th Sasyagalalli Santanotpatti FAQs

ಸಂತಾನೋತ್ಪತ್ತಿ ಎಂದರೇನು?

ಪೋಷಕ ಜೀವಿಗಳಿಂದ ಹೊಸ ಮರಿ ಜೀವಿಗಳು ಹುಟ್ಟುವುದಕ್ಕೆ ಸಂತಾನೋತ್ಪತ್ತಿ ಎನ್ನುವರು.

ಕಾಯಜ ಸಂತಾನೋತ್ಪತ್ತಿಯ ಪ್ರಯೋಜನಗಳು ಯಾವುವು?

ಕಾಯಜಸಂತಾನೋತ್ಪತ್ತಿಯಿಂದ ಉಂಟಾದ ಗಿಡಗಳು ಕಡಿಮೆ ಸಮಯದಲ್ಲೇ ಬೆಳೆಯುತ್ತವೆ. ಬೀಜಗಳಿಂದ ಹುಟ್ಟಿದ ಗಿಡಗಳಿಗಿಂತ ಬೇಗನೆ ಹೂ ಮತ್ತು ಹಣ್ಣುಗಳನ್ನು ಬಿಡುತ್ತವೆ. ಸಸ್ಯದಿಂದ ಉತ್ಪತ್ತಿಯಾಗುವ ಕಾರಣ ಹೊಸ ಸಸ್ಯಗಳು ಪೋಷಕ ಸಸ್ಯದ ತದ್ರುಪವಾಗಿರುತ್ತವೆ. .

ನಿಷೇಚನ ಎಂದರೇನು?

RELATED VIDEOS👇

ನೀವು ನನ್ನನ್ನು ಇಲ್ಲೂ ಕೂಡ ಫಾಲೋ ಮಾಡಬಹುದು 

https://www.kannadaeshikshaka.in/

Stock Photography Related-

1.https://www.pexels.com/@parimala-k-p-46443499/stats/?utm_campaign=stats&utm_content=Your%20latest%20Pexels%20photo%20stats&utm_medium=email&utm_source=pexels

2.https://wirestock.io/?ref=parimala.k.p

3.http://feeds.feedburner.com/ScienceTeachingResorcesBlog-TheBestBlogToLearnTeachScience

ವಿಜ್ಞಾನ ತಂತ್ರಜ್ಞಾನ ಕ್ಕೆ ಸಂಬಂಧಿಸಿದ ವಿಷಯಗಳ  ಬಗ್ಗೆ ಮಾಹಿತಿ ನೀಡುವ ನನ್ನದೇ ಬ್ಲಾಗ್ ನ ಲಿಂಕ್-

https://scienceteachingresourc.blogspot.com/?m=1

ಈ ಬ್ಲಾಗ್ follow ಮಾಡುವುದನ್ನು ಮರೆಯಬೇಡಿ.

Stock Photo - contributor  web links-

https://www.shutterstock.com/g/PARIMALA+K+P?rid=289734485

https://www.dreamstime.com/dhanujn71_info

https://pixabay.com/images/id-5851548/

https://www.dreamstime.com/beautiful-nerium-oleander-flower-evergreen-shrub-widely-grows-indian-sub-continent-plant-poisonous-image207435596

https://www.pexels.com/photo/beautiful-flower-touch-me-not-touch-me-not-flowering-7497446/